Cibearshlándáil do Scoileanna

Faoi dheireadh an chúrsa seo, ba cheart go mbeifeá in ann an méid seo a leanas a chur i gcrích:

• Cur síos a dhéanamh ar choincheapa cibearshlándála
• Rioscaí agus bagairtí na cibearshlándála do scoileanna a shainaithint
• Bearta a dhéanamh chun bonneagar digiteach atá slán a chruthú do do scoil
• Rochtain a fháil ar acmhainní cibearshlándála do do scoil

Cuimsítear an treoir is déanaí leis an gcúrsa seo maidir le cibearshlándáil lena n-áirítear físeáin le saineolaithe agus beochaintí físeáin ina mínítear príomhchoincheapa. Foghlaimeoidh tú buneolas na cibearshlándála, breithnithe ó dhearcadh na scoile iomláine agus bearta ar féidir leat iad a dhéanamh chun an timpeallacht foghlama digití i do scoil a dhéanamh níos sábháilte.

Tá dhá cheacht sa chúrsa:

Ceacht 1 – Cad is cibearshlándáil ann

Tugtar príomhchoincheapa cibearshlándála i láthair sa chúrsa seo lena n-áirítear cineálacha bagairtí cibearshlándála, bearta bunúsacha slándála, agus an tábhacht a bhaineann le timpeallacht digití shlán a choimeád.

Ceacht 2 – Cuir chuige scoile iomláine maidir le cibearshlándáil

Sa cheacht seo pléitear an tábhacht a bhaineann le cur chuige scoile iomláine maidir le cibearshlándáil, agus treoir á cur ar fáil maidir le beartais agus nósanna imeacht éifeachtacha cibearshlándála a chur i bhfeidhm laistigh de do scoil

Quiz an Chúrsa –Cuirtear deireadh le cuid ábhar an chúrsa le quiz cúrsa chun cuidiú leat do chuid foghlama a neartú.

Gléas:  Ríomhaire glúine, pc deisce nó táibléad* a bhfuil an leagan is déanaí de Chrome, Firefox nó Safari suiteáilte air. Caithfidh ceangail láidir leathanbhanda idirlín a bheith agat.

*Oibreoidh an chuid is mó de ghléasanna táibléid go maith le bogearraí ár gcúrsa ach is féidir nach mbeidh roinnt gléasanna, atá níos sine, comhoiriúnach. Ná húsáid fón cliste chun an cúrsa seo a chur i gcrích le do thoil.

Bogearraí/Aipeanna: Cé go bhfuil an cúrsa seo saor in aisce, áirítear leis an ábhar samplaí de réimse leathan aipeanna agus teidil bogearraí a fheidhmíonn mar eiseamláirí, agus bíonn costas ar roinnt acu.

Tá an cúrsa seo mapáilte le gné Ceannaireachta agus Bainistíochta an Chreata Foghlama Digití, go háirithe Réimse 2: An Eagraíocht a Bhainistiú.

Le haghaidh tuilleadh faisnéise, tabhair cuairt ar shuíomh gréasáin na Foghlama Digití