Eolas Fúinn

Forléargas

Le Oide Teicneolaíocht san Oideachas cuirtear comhtháthú TFC sa teagasc agus san fhoghlaim chun cinn i scoileanna ag an gcéad agus ag an dara leibhéal agus tacaíonn sé leo. Tá sé ina chuid den tseirbhís náisiúnta tacaíochta, an tSeirbhís um Fhorbairt Ghairmiúil do Mhúinteoirí, a fheidhmíonn faoi choimirce na Roinne Oideachais agus Scileanna. Ba é an Lárionad Náisiúnta do Theicneolaíocht san Oideachas (NCTE) a bhí freagrach as feidhmeanna Oide Teicneolaíocht san Oideachas roimhe seo. Comhtháthaíodh an NCTE sa SFGM i mí an Mheithimh 2012.

Tagann dhá phríomhfheidhm Oide Teicneolaíocht san Oideachas faoi na réimsí seo a leanas:

• Comhairle a sholáthar agus moltaí beartais a fhorbairt don Roinn Oideachais maidir le saincheisteanna i ndáil le forbairt agus úsáid na dteicneolaíochtaí digiteacha i gcóras oideachais na hÉireann
• Comhairle agus tacaíocht ábhartha agus cothrom le dáta faoin Teicneolaíocht Dhigiteacha a sholáthar do scoileanna ar raon réimsí a bhaineann leis an teicneolaíocht chun cuidiú le bonneagar teicneolaíochta digití ardchaighdeáin a bhaint amach chun tacú leis an bhfoghlaim agus leis an teagasc.
• Clár Leathanbhanda na Scoileanna do gach bunscoil agus iar-bhunscoil a chomhordú, agus an Deasc Seirbhíse Leathanbhanda a bhainistiú mar phointe teagmhála aonair do scoileanna chun tacú le seachadadh ábhair agus acmhainní foghlama ar líne
• Clár cuimsitheach le aghaidh forbairt ghairmiúil leanúnach in úsáid na dteicneolaíochtaí digiteacha do mhúinteoirí agus do cheannairí scoile a dhearadh agus a chur chun feidhme
• Tairseach an tsuímh gréasáin oideachais Scoilnet a fhorbairt agus a chothabháil, rud a chuirfear rochtain ar fáil ar bhreis is 23,000 acmhainn atá athbhreithnithe ag múinteoirí
• Úsáid neamhspleách, éifeachtach agus níos sábháilte as an idirlíon ag daoine óga a chur chun cinn trí straitéis faisnéise agus feasachta mharthanach ó Webwise ina ndírítear ar thuismitheoirí, ar mhúinteoirí agus ar pháistí.
• Acmhainní ábhair dhigitigh a fhorbairt agus rochtain ar uirlisí ábhair dhigitigh a bhaineann le curaclam na hÉireann a sholáthar
• Faisnéis agus comhairle a chur ar fáil do ghníomhaireachtaí oideachais eile maidir le húsáid teicneolaíochtaí digiteacha chun críocha oideachais
• Taighde a dhéanamh ar an dea-chleachtas in úsáid na dteicneolaíochtaí digiteacha san oideachas

Tá  na hoifigí lonnaithe  i gcampas Ollscoil Chathair Bhaile Átha Cliath i nGlas Naíon.