Seachtain Chóid an Aontais Eorpaigh
27th October 2026
Cuirfear tús le Seachtain Chóid an Aontais Eorpaigh an 10 Deireadh Fómhair! Sa chuid Fócais seo, agus ar fud ár Nuachtlitreach, táimid ag tarraingt aird ar go leor de na himeachtaí, cúrsaí, acmhainní, ábhair agus naisc iontacha atá ar fáil duit. Cén fáth nach n-íoslódálfá, nach léifeá agus nach scaipfeá bileog eolais oifigiúil Sheachtain Chóid an Aontais Eorpaigh? Bí cinnte go nglacfaidh tú páirt inti, agus lean Oide, Teicneolaíocht san Oideachas freisin ar BlueSky agus Instagram, chomh maith le gníomhaíochtaí eile de chuid Sheachtain Chóid an Aontais Eorpaigh ar ardáin Meán Sóisialta eile. Tabhair cuairt ar an gcainéal YouTube oifigiúil nó fiú cláraigh don seoladh ar an 12 Deireadh Fómhair!
Comórtas Sheachtain Chóid an Aontais Eorpaigh
An bhfuil tú ag glacadh páirt i Seachtain Chóid an Aontais Eorpaigh le do rang? Déan cinnte go gcláróidh tú agus go gcrochfaidh tú do ghníomhaíocht ar léarscáil Sheachtain Chóid an Aontais Eorpaigh chun deis a bheith agat réimse duaiseanna nuálacha a bhuachan, amhail trealamh Lego Spike Education, foireann Beebot agus acmhainní códaithe eile do do chuid scoláirí! Fáilte is fiche roimh ghníomhaíochtaí ó gach leibhéal ranga! Ná déan dearmad: pionnáil leat nó ní bheidh leat! Chun tuilleadh eolais a fháil, tabhairt cuairt ar https://codeweek.eu/ agus caith súil ar an Mol Códaithe agus Smaointeoireachta Ríomhaireachtúla ar ár suíomh gréasáin chun roinnt smaointe iontacha a fháil!
Mol Códaithe do Mhúinteoirí
Cad is smaointeoireacht ríomhaireachtúil ann? Cá háit sa churaclam ar chóir códú a chur? Conas a fhaighim rochtain ar acmhainní gairmiúla foghlama agus seomra ranga maidir leis na topaicí seo?
Agus Seachtain Chóid an Aontais Eorpaigh ag teannadh linn, tá freagraí na gceisteanna seo ar an Mol Códaithe agus Smaointeoireachta Ríomhaireachtúla ar ár suíomh gréasáin. Oireann sé do mhúinteoirí ar gach leibhéal.
Seachtain Chóid an Aontais Eorpaigh: Acmhainní
Bí cinnte go dtabharfaidh tú cuairt ar leathanach gréasáin Sheachtain Chóid an Aontais Eorpaigh Scoilnet PP, áit a bhfaighidh tú acmhainní do mhúinteoirí, gníomhaíochtaí molta don seomra ranga, agus acmhainní do scoláirí.
Tá plean ceachta thumthaigh ag Scoilnet do ranganna a 5 agus a 6 freisin, ina dtugtar eolas ar fheidhmchláir IS maidir leis na haigéin a chosaint.
