Foireann Foghlama Digití a Bhunú ag Scoil Chaitríona Sinsear, An Rinn Mhór
Achoimre ar an bhFíseán
Roinneann baill foirne ag Scoil Chaitríona Sinsear, An Rinn Mhór, a dtaithí maidir le foireann foghlama digití a bhunú agus a bhainistiú sa scoil. Díríonn siad ar chomhoibriú, piarthacaíocht agus an tionchar dearfach a bhíonn ag cur chuige scoile uile i leith na foghlama digití.
Cur Síos
Déanann siad cur síos ar an gcaoi ar bunaíodh foireann foghlama digití trí rannpháirtíocht foirne deonach, agus leas á bhaint as raon leathan scileanna, taithí agus díograise. Pléann siad an chaoi a dtacaíonn an fhoireann le plean foghlama digití na scoile trí chomhoibriú, ceannaireacht chomhroinnte agus piarmheantóireacht. Déanann siad cur síos freisin ar an gcaoi a n-úsáideann siad an Creat Foghlama Digití chun láidreachtaí agus réimsí ina bhfuil gá le forbairt a shainaithint, ag tosú le suirbhéanna foirne chun muinín a mheas maidir le húsáid na teicneolaíochta agus aon réimsí ina bhfuil gá le tacaíocht.
Cúrsaí a d’fhéadfadh a bheith ina n-ábhair spéise duit
An Fhoghlaim Dhigiteach a Threorú
Caith súil ar ár leathanach cúrsaí ar líne le teacht ar chúrsaí eile bainteach leis an ábhar seo.
An Creat don Fhoghlaim Dhigiteach
Tacaíonn an físeán seo leis na ráitis seo a leanas den Chreat don Fhoghlaim Dhigiteach (CFD):
Ceannaireacht agus Bainistíocht (1. An Fhoghlaim agus Teagasc a Threorú)
- Caighdeán: Cultúr ina dhéantar feabhsúchán, comhoibriú, nuálaíocht agus cruthaitheacht san fhoghlaim, sa teagasc agus sa mheasúnú a chur chun cinn.
1.4 Forbairt ghairmiúil múinteoirí a chothú lena saibhrítear foghlaim na múinteoirí agus na scoláirí
Tabhair cuairt ar dlplanning.ie chun iniúchadh a dhéanamh ar réimsí eile CFD atá tacaithe san fhíseán seo, agus chun cuidiú leat pleanáil a dhéanamh don fhoghlaim dhigiteach i do rang.
