Podchraoltaí a Chruthú do Churaclam Teanga na Bunscoile

Cuirfear ar chumas na rannpháirtithe:

• Cur síos a dhéanamh ar an gcaoi ar féidir le podchraoladh agus foghlaim dhigiteach tacú le foghlaim laistigh de Churaclam na Bunscoile.
• Bealaí praiticiúla a aithint chun podchraoladh a úsáid chun tacú le Curaclam Teanga na Bunscoile.
• Samplaí de phodchraoltaí atá oiriúnach don seomra ranga bunscoile a aimsiú agus a úsáid.
• Podchraoladh simplí a phleanáil agus a chruthú trí uirlisí digiteacha a úsáid.

Tá trí mhodúl sa chúrsa seo

1. Buntreoir do Phodchraoladh

Tugann an modúl seo buntreoir do phodchraoladh agus déanann sé iniúchadh ar roinnt de na bealaí ar féidir leis tacú leis an bhfoghlaim laistigh de Churaclam na Bunscoile. Féachfaidh tú ar an gcaoi ar féidir glacadh le podchraoladh cabhrú le príomhscileanna Chreat Curaclaim na Bunscoile a fhorbairt, lena n-áirítear a bheith i d’Fhoghlaimeoir Digiteach.

2. Podchraoladh agus Curaclam Teanga na Bunscoile

Trí shamplaí praiticiúla de thionscadail podchraolta, fiosróidh tú an chaoi ar féidir le daltaí podchraoltaí a úsáid chun scileanna a fhorbairt i réimsí amhail teanga labhartha, éisteacht, scríbhneoireacht agus tuiscint. Nascfaidh tú torthaí foghlama an PCF le cleachtas an tseomra ranga freisin.

3. Uirlisí agus Acmhainní na Podchraoltóireachta

Tógann an modúl seo tú tríd an bpróiseas podchraolta céim ar chéim – ó phleanáil agus taifeadadh go heagarthóireacht bhunúsach agus do phodchraoladh críochnaithe a chruthú. Déanfaidh tú iniúchadh ar na gléasanna agus na huirlisí is féidir leat a úsáid, lean ranganna teagaisc simplí agus cruthaigh podchraoladh samplach gearr de do chuid féin.

Riachtanais Theicniúla: Beidh ar rannpháirtithe aip amháin (saor in aisce) a íoslódáil. Bheidh ceangal láidir leathanbhanda idirlín agus ríomhaire glúine, ríomhaire deisce nó táibléad (a bhfuil an leagan is déanaí de Chrome, Firefox nó Safarí suiteáilte air) de dhíth chomh maith.

Ní mór fáil a bheith ag na rannpháirtithe ar Padlet, feidhmchlár tríú páirtí, mar chuid den chúrsa. Níl cuntas Padlet ag teastáil. Bí ar an eolas maidir le polasaí príobháideachta agus téarmaí seirbhíse Padlet, le do thoil.

Bronnfar teastas cúrsa ar an té a chríochnaíonn an cúrsa seo.

B’fhéidir go mbeifeá in ann an cúrsa seo a chur san áireamh mar uaireanta Pháirc an Chrócaigh, le cead bhainistíocht na scoile, go háirithe i dtaca le deich gcinn d’uaireanta an chloig ‘Pháirc an Chrócaigh’ a mbeadh cead iad a úsáid ar bhonn aonair nó i ngrúpaí beaga (Ciorclán 0042/2016 Bunscoile agus Ciorclán 0066/2026 Iar-Bhunscoile).