Táibléid le haghaidh Measúnaithe
Achoimre ar an bhFíseán
Míníonn beirt mhúinteoir an chaoi a úsáideann siad táibléid le haghaidh measúnaithe sa Mhata. Ligeann táibléid do mhúinteoirí aiseolas closamhairc a chur ar fáil do dhaltaí agus chun cuspóirí spriocdhírithe a chruthú do pháistí aonair. Sábháiltear gach measúnú ar Google Drive mar ríomhphunann.
Cur Síos
Féachtar ar mheasúnú na matamaitice san fhíseán trí úsáid a bhaint as TFC, ag díriú ar mheasúnú foirmitheach. Tugtar tasc do dhaltaí lena chomhlíonadh trí úsáid a bhaint as an bhfuaim agus as an téacs a cuireadh fáil; agus ina dhiaidh sin, baineann siad úsáid as na huirlisí fuaime, ceamara agus peann chun feabhas a chur ar chríochnú an taisc. Uaslódálann daltaí a bpíosa comhlíonta go Google Drive; an áit ina ndéanann an múinteoir measúnú agus athbhreithniú ar an obair. Ansin féachann na daltaí ar a n-aiseolas chun athruithe cuí a dhéanamh. Baintear úsáid as táibléid sa phróiseas measúnaithe seo agus is féidir le páistí logáil isteach sa bhaile chun a gcuid foghlaim agus aiseolas a roinnt le tuismitheoirí.
Cúrsaí a bhféadfadh go mbeadh suim agat iontu
Féach ar ár leathanach cúrsaí ar líne chun cúrsaí a bhaineann leis an ábhar seo a aimsiú.
Creat don Fhoghlaim Dhigiteach
Tacaíonn an físeán seo leis na ráitis seo a leanas den Chreat don Fhoghlaim Dhigiteach (CFD):
Teagasc & Foghlaim (1. Torthaí Foghlama)
- 3 Úsáideann daltaí teicneolaíochtaí digiteacha ar bhealaí an-éifeachtach chun a gcuid eolas, scileanna agus tuiscint a fhorbairt i gcomhréir le cuspóirí ábhair, torthaí foghlama, scileanna agus coincheapa Churaclam na Bunscoile.
Teagasc & Foghlaim (2. Taithí an Fhoghlaimeora)
- 3 Déanann daltaí machnamh ar a bhforás mar fhoghlaimeoirí agus forbraíonn siad mothú úinéireachta agus freagrachta as a gcuid foghlama
Téigh chuig Pleanáil FD chun iniúchadh a dhéanamh ar na réimsí eile de CFD a fhaigheann tacaíocht san fhíseán seo, agus chun cabhrú leat pleanáil d’fhoghlaim dhigiteach i do rang.
