Ceannairí Foghlama Gairmiúla: 3. Foghlaim Dhigiteach a Leabú i mBunscoileanna
San fhíseán seo ónár sraith Leading Digital Learning, léiríonn Niall Larkin, Ceannaire Sinsearach le haghaidh na dTeicneolaíochtaí Digiteacha, príomhphointí faoi scoileanna atá cumasach maidir le húsáid a bhaint as na teicneolaíochtaí digiteacha. Thosaigh siad ar fad agus fís shoiléir roinnte acu i measc na mball foirne ar fad. Ba cheart go n-aithneodh san fhís sin cad é an staid sa scoil faoi láthair agus cad a theastaíonn uatha, agus páirt ag gach duine i gcinneadh a dhéanamh maidir le cuspóir na dteicneolaíochtaí digiteacha agus conas a úsáidfear iad. Má chruthaítear plean foghlama digiteach soiléir agus réalaíoch lena bhfuil spriocanna agus gníomhartha gearra sonracha cuidítear le gach duine a bhfreagrachtaí a thuiscint agus conas a chuidíonn siad leis na spriocanna a bhaint amach. Deir Niall, is féidir le scoileanna ‘bheith glic’ freisin trí úsáid a bhaint as a bplean foghlama digití chun cur lena bplean féinmheastóireachta scoile. Tugann Niall sampla de phlean FMS a d’fhéadfadh a bheith dírithe ar an bhfoghlaim ó bhéal. Molann sé an plean foghlama digití a úsáid chun tacú leis an bhfoghlaim ó bhéal freisin. Díríonn sé sin iarrachtaí gach duine ar chomhthreoir.
Sampla de dhifreáil
Deir Sandra Byrne, Scoil Náisiúnta Sinsear an Talbóidigh, go dtugtar difreáil go dtí leibhéal eile ina seomraí ranga leis na teicneolaíochtaí digiteacha. Tugann sí sampla de dhaltaí ag iad ag cruthú cur i láthair ar Google Slides. B’fhéidir nach mbeadh páistí áirithe ábalta ach pictiúr agus abairt a dhéanamh, agus b’fhéidir go mbeadh cuid eile acu ábalta cuir i láthair a bhfuil cuma fhíor-ghairmiúil orthu a dhéanamh. Oibríonn gach duine ar a leibhéal féin agus is féidir é sin a úsáid in aon chuid den churaclam. Feiceann Sandra an plean foghlama digití mar dheis chun athmheasúnú a dhéanamh gach bliain agus réimsí a aithint ar mian leis an scoil díriú orthu.
Ag aistriú ó thomhaltóirí go cruthaitheoirí
Déanann Mark Boggins, Scoil Náisiúnta an Teaghlaigh Naofa, cur síos ar a fhís mar scoláirí a bheith ag úsáid, ag cruthú agus ag cur i láthair leis an teicneolaíocht dhigiteach i ngach cúinne den scoil. Cé go mbraitheann sé go bhfuil ag éirí go han-mhaith leo maidir le húsáid ábhair, aithníonn sé cruthú, (go háirithe físeáin agus na meáin) mar rud nach mór don scoil oibriú air. Bhain a bplean le hoiliúint chur ar rang a 6 faoi úsáid Google Sites agus faoi úsáid a bhaint as uirlisí chun ábhar amhail Adobe Creative, scagadh glas, VR agus réaltacht bhreisithe a chruthú.
RSO
Leagann Mark agus Sandra beirt béim ar thábhacht na teicneolaíochta sa réimse RSO agus tacaíonn sé le seomraí ranga. Is féidir teicneolaíocht a úsáid chun cuidiú le scoláirí i ngach suíomh, bíodh siad sealadach nó buan. Tarraingíonn Mark aird ar an réimse fadhbanna is féidir le teicneolaíochtaí tacú le scoláirí leo, mar shampla fadhbanna le radharc na súl, fadhbanna éisteachta, míchumais coirp chomh maith le fadhbanna sealadacha amhail lámh briste.
Tacaíocht do scoileanna
Tugann Niall breac-chuntas ar na tacaíochtaí éagsúla atá ar fáil do scoileanna:
- Tacaíocht scoile ón SGFM. Is féidir le Ceannaire Foghlama Gairmiúla cuairt a thabhairt ar do scoil agus tacaíocht shaincheaptha a thairiscint.
- Tá réimse leathan tacaíochtaí ar fáil ar shuíomh gréasáin SGFM Teicneolaíocht san Oideachas. Tá deiseanna ann chun tú féin a fhorbairt go gairmiúil trí chúrsaí ar líne, físeáin dea-chleachtais agus físeáin teagaisc. Tá naisc ann freisin le Scoilnet agus suíomh pleanála FD.
- Cuireann Webwise réimse leathan tacaíochtaí ar fáil le haghaidh rud ar bith a bhaineann le sábháilteacht idirlín agus saoránacht dhigiteach.
- Ba cheart do scoileanna smaoineamh ar theagmháil a dhéanamh lena scoileanna comharsanachta mar go bhféadfadh sé go mbíonn fadhbanna den chineál céanna acu. Is féidir leo tacú le chéile agus pobail bheaga chleachtais a fhorbairt.
- Cuireann ionaid oideachais áitiúla réimse tacaíochtaí ar fáil. Cuireann siad seimineáir ghréasáin, cúrsaí aghaidh ar aghaidh ar fáil nó is féidir leo tú a chur sa treo ceart má tá réimse ann ba mhaith leat a fhiosrú.
