IS i Scoil Náisiúnta Mhuire Baile Mhic Andáin
Achoimre ar an bhFíseán
Is múinteoir rang a sé agus Comhordaitheoir Foghlama Digití é Mark Delahunty ag Scoil Náisiúnta Mhuire. Roinneann sé conas is féidir IS a úsáid chun tacú leis an teagasc agus leis an bhfoghlaim ina scoil mhór tuaithe. Ó thascanna tuisceana difreáilte go huirlisí measúnuithe cluiche, is féidir IS a úsáid chun ceachtanna a chur in oiriúint do shuimeanna agus cumais daltaí, agus am suntasach pleanála a shábháil.
Cur Síos
Cuireann siad béim mhór ar litearthacht dhigiteach, agus tá ról lárnach ag IS maidir le taithí foghlama pearsanta agus ionchuimsitheach a chruthú. Is féidir le huirlisí IS cabhrú le múinteoirí ábhar a chur in oiriúint do riachtanais daltaí, ag feabhsú rannpháirtíochta agus inrochtaineachta. Díríonn an scoil ar dhaltaí a mhúineadh ábhar atá ginte ag IS a mheas, mífhaisnéis a aithint, agus sábháilteacht dhigiteach a thuiscint. Cé gur féidir IS a úsáid chun éifeachtúlacht a fheabhsú, tá iarracht chomhfhiosach ann chun cothromaíocht a aimsiú idir an t-uathoibriú agus an fhoghlaim chruthaitheach, theagmhálach. Cuireann Mark na tairbhí in iúl a bhaineann le IS, ar nós am a shábháil, ach chomh maith leis sin, tugann sé rabhadh maidir le róspleáchas, smaointeoireacht chriticiúil laghdaithe, agus neamhionannas sa rochtain.
Cúrsaí a d’fhéadfadh bheith ina n-ábhair spéise duit
Caith súil ar ár leathanach faoi chúrsaí ar líne chun cúrsaí a aimsiú atá ábhartha don ábhar seo.
Mol IS i Scoileanna
Tabhair cuairt ar ár Mol IS i Scoileanna chun faisnéis bhreise agus acmhainní a fháil le haghaidh IS a úsáid ar scoil.
An Creat don Fhoghlaim Dhigiteach
Tacaíonn an físeán seo leis na ráitis seo a leanas den Chreat don Fhoghlaim Dhigiteach (CFD):
Teagasc & Foghlaim (1 Torthaí an Fhoghlaimeora)
1.1 Baineann na daltaí taitneamh as a gcuid foghlama, bíonn siad spreagtha chun foghlama agus bíonn siad ag súil le gnóthú mar fhoghlaimeoirí
Úsáideann daltaí teicneolaíochtaí digiteacha iomchuí chun rannpháirtíocht ghníomhach a chothú chun torthaí foghlama iomchuí a bhaint amach.
Baineann daltaí leas as teicneolaíochtaí digiteacha chun fianaise a bhailiú agus taifead a dhéanamh den dul chun cinn a dhéanann siad.
1.2 Tá an t-eolas, na scileanna agus na dearcthaí atá riachtanach ag daltaí chun iad féin agus a gcaidrimh a thuiscint
Tá dearcadh dearfach ag daltaí i leith úsáid na dteicneolaíochtaí digiteacha agus tá siad feasach ar rioscaí agus ar lochtanna a d’fhéadfadh a bheith ann.
Tuigeann na daltaí na contúirtí agus na bagairtí a d’fhéadfadh a bheith ann i dtimpeallachtaí digiteacha.
Teagasc & Foghlaim (2. Taithí an Fhoghlaimeora)
2.1 Glacann daltaí páirt d’aon ghnó i ngníomhaíochtaí foghlama fónta
Úsáideann daltaí teicneolaíochtaí digiteacha chun eolas a fháil, a mhalartú chun tuiscint a fhorbairt agus chun tacú le cruthú eolais bhunúsaigh.
Tabhair cuairt arPleanáil FD chun iniúchadh a dhéanamh ar réimsí eile CFD atá tacaithe san fhíseán seo, agus chun cuidiú leat pleanáil a dhéanamh don fhoghlaim dhigiteach i do rang.
